أخاف أقوله له " خاين " وينجرح بعدين ...

من طرف لــولــو الخميس سبتمبر 25, 2008 7:44 pm

تذكر يوم أقولك جسد يحتوي روحين ..

.. وأوعدك ما أخليك وتوعد ما تخليني ؟

.. أذكر يومها أشوف بالدنيا بس اثنـين ..

.. قلبي اللي يحبك وقلبك اللي يحويني ..

.. بعدها بأيام شفت ايدك تحتضن ايدين ..

.. وانصدمت يوم شفت إنها غير ايديني ..

.. سكت لجل خاطرك وقلت مرحبا بالزين ..

.. مرحبا باللي القلب لجلـه حيل كاويني ..

.. مر يوم واسبوع وشهر وبعدها شهرين ..

.. وهو لازال مايدري بإني شفته بعيني ..

.. وأخاف إني أقوله له خاين وينجرح بعدين ..

.. وأخاف أسكت وبسكوتي صمتي حيل يشقيني ..

.. واجهته وأنا أبكي والعين تحتضن العين ..

.. سألته : ليه تنسـاني ؟ وإلا ماكنت تغليني ؟؟

.. سكت ولفّ عني وخبى وجهه بالإيدين ..

.. اللي كانت تحضني وغيرها ما تدفيني ..

.. سحبت وجهه و مسحت الدمع على الخدين ..

.. وقلت له والله أحبك ولو إنك تخليني ..!

.. سكت فتره وقال لي : لازلتي تحبين ؟؟

.. بعد اللي تشوفينه لا زلتي تحبيني ؟؟

.. ابتسمت وقلت أجلك ماعرفت للحين ..

.. إني أحبك حيل واللي يرضيك يرضيني ..

.. سكت فتره وأنا أعاود فرحة بقت لسنين ..

.. وتركته وتركت حبه اللي بقى فيني ..

.. وصارت الدمعـة إذا هلّت أقول أهلين ..

.. والبسمة هجرتني ونست دربها فيني ..

.. بعدها بـأيام سمعت خبر والله شين ..

.. سمعت إنه مـاااات وهو يطلب يلاقيني ..

.. ويوم إني رحت .. وصيته لي بورقتين

.. الأولى بها اسمي كتب بدمه يغليني ..

.. والثانيه يقول فيها: أبي أوضحلك شيئين ..

.. الأول أحبك حيل وماسكن غيرك شراييني ..

.. والثاني أمانه لا جيتي لأهلي تعزيّن ..

.. لا تنزل دموعك لي طلبتك لاتَبْكِينِي ..

.. كل اللي أبيه إنك بالخير لي تدعين ..

.. وإنك بالشهر مره بقبري تزوريني ..

.. واللي أبيك تعرفيه ومهم إنك تعرفين ..

.. اللي شفتيها معي كانت بموتي تبشّرني ..

.. انا اللي خليتك من كيفي عني تبعدين ..

.. لجل ما ينجرح قلبك بلحظة موت تحويني ..

.. تكفين لا تظنين إني خنتك ياالغلا تكفين ..

.. وإذا لازلتي تحبيني دايم بـالخير ذكريني ..

.. سكت وقلت : ياليتني ظليت معك يازين ..

.. وشفت الموت ياخذك مني ولاكذا تخليني ..

.. تظنون إني نسيت أو الدمع جف بالعين ؟

.. لا والله إلين اليوم وهو معي يخاويني ..

.. لو تدور الدنيـا ولو تمر بعدها سنين ..

.. ما نسيته لو أشوف أحفـااادي حواليني ..

دمــتم بــخــيــر..

من طرف alaseer999 الخميس سبتمبر 25, 2008 9:51 pm

(مانسيته لو اشوف احفادي حواليني)
تالقت حروفك ..تناغمت كلماتك ...عزفت مشاعرك بكل جمال ..

ها هو الاحساس العذب بيننا ليسقي قلوبنا اعذب الالحان واجمل الحروف

لـــــولــــــو
بكل المساحات أنت ِ

بكل السطور حرفك ِ

بكل الشموخ إحساسك ِ

من طرف لــولــو الخميس سبتمبر 25, 2008 10:38 pm

يسلموو أخوي الاسير

وتقبل تحيااااتي

دمت بووود^ــ^

من طرف المظلـ@ـوم... الجمعة سبتمبر 26, 2008 1:58 am

شكرا لكي على الابداع يالغلا

لاعدمناكي ولاعدمنا جديدك

وتقبلي تحياااتي^ــ^

من طرف لــولــو الجمعة سبتمبر 26, 2008 2:18 am

مشكور أخوي المظلوم

وتقبل تحياااتي^ــ^

من طرف .دمـ غـلا ـعة. الجمعة سبتمبر 26, 2008 6:01 pm

لولو

أبدعتي بكل معنى الكلمة

فديت مواضيعكـ يالغلا

لاتحرمينا جديدكـ

تحيتي

من طرف لــولــو الجمعة سبتمبر 26, 2008 7:41 pm

يسلمووو أختي دمعة غلا

والأروووع هو تواااجدك في متصفحي

وتقبلي شكري لك^ــ^

أخاف أقوله له " خاين " وينجرح بعدين ...

أخاف أقوله له " خاين " وينجرح بعدين ...

رد: أخاف أقوله له " خاين " وينجرح بعدين ...

رد: أخاف أقوله له " خاين " وينجرح بعدين ...

رد: أخاف أقوله له " خاين " وينجرح بعدين ...

رد: أخاف أقوله له " خاين " وينجرح بعدين ...

رد: أخاف أقوله له " خاين " وينجرح بعدين ...

رد: أخاف أقوله له " خاين " وينجرح بعدين ...