بأأأأأبليـــــــــــــــــــس

يابليس انا وياك ربع ورفاقه =ومن بينا ميثاق وعهود وصكوك
انت توردني دروب الحماقة =وأنا لاضيعت قمت العن أبــوك
ياذا العور وان كان مافيك طاقة= مالك عذر وانت على المتن معكوك
عندي على درب المهالك لياقة =على النقا والكسب يابليس مشروك
ولك الفخر يابو البلا والشقاقة =اني انا شاعر ملك كان مادروك
شاعر أبو متعب صليف الطراقه =على الزعيم من ورا الناس محروك
يابليس تدري وش حلات الصداقه؟= اني ليا ضيعتها جيت للبـــوك
وغديت بين المحفظة والبطاقة =وتشكلت فرّتك ميّات وشيــوك
ولغيت عندي ماتسمى العلاقة =ماتنبنى طبعا على عطني ودوك
كثرت هروج مدورين الخناقة =يبون فتحة باب ماهو بمصكـوك
واللي قهرني صدق ان اللواقه= مهوي وفارغ وفاشل وصعلوك
اسمع هدير وكل ماشفت ناقة =ومتن الجرب مبعد ومهمل ومتروك
والله ماالد الا على اربع عماقه= ونا وريث ملوك واخاطب ملوك
عبدالله وسلطان واكبر شقاقه =نايف وزير الداخلية وانا اخـــوك
والرابع محمد وسيعن نطاقه= ولي عهد الدار مبــرك ومبــروك
ماهو بغصب إلا بطيب ولباقه=والظن فيني وثق ماهو بمشكوك
شاعر طغى ماني بشاعر أناقة= والشعر اعلكه شبك ماعلكه علوك
أكثر مااحبه في الحياة الطفاقة= واكره ماشوف الحر لا صار مملوك
ياللي تعكز بي بعد جتك إعاقة= سلام وانت تدري بقافيــة أوك
يعني أبرفعها واعرفك طباقه= ماتدري ان البيت واضح ومحبوك
أقدر أوطيها عليك بسياقه =لكني اكبر منك مير انت غــروك
المير خذلك وردتن وسط باقة= ودوج بسوق الفيصلية وهردوك
وخلك قريب من صالون الحلاقة =وليا شربت الببس لاتلحقه كوك
حنا هل الوجهة وقوم الرواقه =هل الدلال اللي بها الهيل مدكــوك
ويلان من ويلان ساقه بساقه= في نجد وليا اشملت عرعر وتبوك
ومافيه حدن حد وايل وعاقه=روسن مع العربان ماحنا بــــوروك
الورع منا لالعب بالتفاقه= يرمي لحم مايرمي عصي وجيوك
خبل عنزة ما اقفى العدو في نياقه= افتكها ولا انت خبلن و مفكّــوك
إليااكلّنا مانحب الذواقه =نشبع ولا نترك للا نذال متروك
وسيوفن ارهى من سلاحك بطاقة= واشبار اطول من خطاويك ببلوك
ماحقتها ولااحب الحواقه =ربعك لهم في المجد دربن ومحيوك
سلطانهم لاحل ذر الرواقه= شالوا ثقيل الحمل مير انت خلــوك
الشعر حنا حاسبين احتراقه =عندك يوم اللي بجمبك تحدوك
الشعر انا ماجيت احسب أوراقه =جاني على لوكي وجيته على لوك
أكبر فخر للشعر اني نطاقه= وأكبر فشل للشعر من يوم رزوك