(لو خآنك آعز ناسك) وش الأبيات اللي تجي في بآلك ؟؟

احلى الكلام اللي نقوله بحينه
من شان مانندم على شي طفناه
ماحب انا انبش بالجروح الدفينه
جرح دفنا نزف وجرح دفناه
ولو كل كف صافحتنا امينه
ان كان كلن مد للناس يمناه
رح علم اللي يحسبنا رهينه
ندفع وهو يدري ثمن مادفعناه
وراعي المواقف لو لقى من يعينه
ماكان طاح بموقفن ماتمناه
واللي ضحك من قلب ونفسه حزينه
لاقايل شكوى ولامظهرن آه
والارض ماهي في حدود المدينه
لاضاق قلب يشتكي من حناياه
اترك يسار الدرب واقضب يمينه
ياقرب درب الطيب ياصعب ممشاه
وحنا بلشنا فالزمن ورطينه
وللي ظهر ينعا بقايا خفاياه
وللي تهرب من مواجه سنينه
يلقى على دربه سنينه تحراه



ويعطيك العافيه على الموضوع الرائع
وتقبلي تحياتي

لا جيت ابنسى واتراجـع واسامحـك
صاحن جروحي واشتكن لي طعونـك


كلك خيانه قول .. وشلـون ابمنحـك
وش موقفك من شخص دايم يخونك !!


اكبر خطا.. لو جيت يمـك اصالحـك
اول تحـوّل .. لاتـغـرّك إلحـونـك


اللي تقوله صح .. لو كنـت جارحـك
(مير) انت غارق للاسف في ظنونـك


وصفك نسيته بس .. باقي ملامحـك
بنهيـك وانهـي بالنهايـه جنـونـك


ماتستحـق امـد (كفـي) واصافحـك
مثلك غلط عمري وابحيـا .. بدونـك


لعبـت دورك شاهـداتٍ مسـارحـك
خدعتنـي واظهـرت خافـي فنونـك


كنت اعتقد .. قلبي هو ابرز مطامحك
اللي يبيـع النـاس لجلـه يصونـك


تعبت اسوق الشوق يمك واصارحـك
اخلصت لك بالحب .. شوفت عيونـك


لكن خسارة صرت غايـة مصالحـك
ياليتنـي ماجيـت .. لحظـه بكونـك


بالامس كنت بنشوة الحب .. امازحك
اخيـل برقـك واتحـرى امـزونـك


واليوم من صفحة حياتي .. ابمسحـك
هديت صرحـك ثـم طاحـت ركونـك


ولابي عيوني لـو تصـورت تلمحـك
اعلنت موتك .. وانسجن لي كفونـك


وان جيت تطلب .. ترتجيني اسامحك
بهديك طعنه .. مـن بقايـا طعونـك

شكرا لكي على الموضوع

وانا راح اعطيكي بيتين ولي عوده مع قصيده كامله

من باعنا برخيص بتراب ينباع
ومن عافنا كل الجوارح تعافه
ماني بحاجة حب راعيه خداع
والحب ماهو بالغصب والكلافه